Home »

Gabar haweenkii ugu horeysay ee aqalgalkeeda ka dhuumatay ninkeeda.

Saturday, December 1, 2012
aroos
www.deercali.blogspot.com:- Gabar magaceeda lagu sheegay Qamar ayaa habeenkii ugu horeysay aqal galkeeda waxay ka dhuumatay ninkii guursanayay kadib markii loo guri geeyey, taas oo aan la ogayn meel ay jaan iyo cirib dhibtay, waxaana la sheegay in gabadha reerkeeda iyo wiilka reerkiisa ay qoorta isku galeen, reerkii gabadhana ay ku andacoonayaan inay u heystaan gabadhooda haddii la waayana  wiilka guursaday ay dacwad ku oogayaan. 
 
Qamar ayaa ninkeeda ka dhuumatay kadib markii la geeyey gurigeeda, waxayna ka hor intii aysan ka dhuuman gabar saaxiibteed ah oo u soo raacday inay todobo bixiso in wiilka gabadha guursaday oo isna lagu magacaabo Faarax  uu uga baxay balan ay horay u wada galeen, taas oo ay gabadhii si weyn uga carootay.

Saaxiibta Qamar oo warkan ka soo xiganay ayaa sheegtay in Faarax uu Qamar kula balamay in uu u dhigayo alaab jiif nooc cusub noocyada hadda socda, taas oo lagu magacaabo Farmaajo, balse uu u dhigay alaabo kale, waxayna in taasi ku dartay saaxiibta Qamar in markii uu Faarax ka warhelay muddo saacad ah kadib in guri cidlo  ah uu aroos ugu jro ayuu ku dacweeyey reerkeeda, taas oo keentay in labadii reer uu buuq ka dhexdhasho, in kastoo markii dambe ay arrinkii Odayaasha labada dhinac soo kala dhexgaleen arrinkiina sidaasi ku xaliyey, in kastoo uu wiilka ku adkeystay in uu furayo gabar habeenkii ugu horeysay ee arooskiisa ka dhuumatay, wuxuuna reerka gabadha maqalsiiyey dalaaqada.
Facebook Blogger Plugin by deercali.blogspot.com | Get Widget
Tags: